top of page

UNAMMEQATAANERA QANOQ PISSARSIAQAATIGISSAVARA? 

1

MISILITTAGAQARNERULERNEQ

Ph.d.-t unammeqataasussatut toqqarneqartut tallimat ilagippatsit immikkut ilinniartinneqassaatit ilisimatusarfigisannik malunnartitsilluarnissannut qulakkeerutaasussamik. Saqqummiussinissannut, saqqummiussassavit sannaanut, oqaatsinut atortunullu atukkannut tunngatillugu siunnersorneqassaatit tusarnaartinnullu attaveqarluarnissannik ilinniarsimasumit ilitsersuunneqassallutit. Taamaalillutit marsip 1-ianni isiginnaarianut sassaruit illit ilisimatusarfigisavit pingaaruteqassusiannik tamanut pitsaanerpaamik paasiuminarsaalluarsinnaanissannut piareersimalluarnerussaatit.     

2

NITTARSAASSINEQ

Toqqaannartumik aallakaatitsinermut tunngatillugu illit ilisimatusarninnilu sammisatit avammut nittarsaanneqarluassaasi. Tamatuma saniatigut saqqummiussinerit naliliisartunit tamarmik ilisimasaminnik immikkut saqqummiussillaqqissunit isummerfigineqassaaq.  

3

AKISSARSIASSAQ

Kiisalu soorunami aamma eqqugassat annersaata 25.000 kr.-it eqqornissaannut periarfissaqarpoq.   

PEQATAANIARLUNI NALUNAARNEQ 

Ilisimatusarfigisanik saqqummiussillaqqinneqqisaanneq Paasisavut peqataaffigiumagukku uku info@paasisavut.gl-imut nassiutissavatit:

  • Ilisimatusarfigisat naatsumik allaaseriuk (annerpaamik quppernerit A4-t marluk)   

  • Videukkut imminut ilisaritinneq sivisunerpaamik minutsini marlunni  

  • CV qanoq attavigineqarsinnaaninnik paasissutissat ilanngullugit  

  • Ilinnik asseq ilisarnarluartoq (nittartakkami pilerisaarinermilu atugassaq)  

  • Ph.d.-nngorniatut isumaqatigiissut (massakkut ph.d.-mut ilisimatusaruit)   

  • Ph.d.-nngorniutit (ukiut marluk kingulliit ingerlaneranni tunniussisimaguit)  

  • Ph.d.-nngorniarfinni pisortap aqqa qanorlu attavigineqarsinnaaneranik paasissutissat 

Bliv påmindet når tilmeldingen åbner:

Tak for din besked. Vi vender tilbage snarest muligt.

NALILIINEQ 

Unammisitsinermut peqataajumalluni nalunaarutigineqartut attaveqatigiinnermik sulialinnit, tusagassiortunit ilisimatuunillu atuarneqarlutik naliliivigineqassapput, taakkualu pitsaanerpaartaat tallimat takutitsinissarsuarmut peqataasussatut toqqarneqassallutik.   

Unammisitsineq marsip 23-anni 2023 Katuami pissaaq KNR TV-kkullu toqqaannartumik aallakaatinneqassalluni.  
  
Allaaserisat videolu unammisitsinermut peqataasussatut toqqagaanissamut tunngaviussapput. Naliliisussat finalimut annguttussanik tallimanik toqqaassapput uku tunngavigalugit: 

Ilisimatusarfigisaq saqqummiulluarneqassaaq: 

  •  Allaaserisaq inerniliissummik oqaluttuamillu tunngaveqassaaq  
     

  •  Ilisimatusarnerup paasinnikkiartuaarnerullu ingerlarngani pisunik allaaserisamut ilanngussisoqarsinnaavoq 
     

  •  Saqqummiussininni inuit sapinngisamik amerlanerpaat saaffigissavatit 
     

  •  Siunertarineqartut erseqqissarneqartariaqarput

  • Ilisimatusarfigisanni paasisat nutaat assigiinngitsutigut (inuiaqatigiinni, aningaasatigut, kulturikkut il.il.) ineriartornissamut tunngavissiisut saqqummiunneqassapput  

  •   

  •  Paasisimasaqarluartuuneq ilisimatusarfigisanit ersertariaqarpoq 
     

  •  Ilisimatusarfigisat inuiaqatigiinni oqallisaasunut ilaasinnaapput  
     

  • Ilisimatusarfigisavit inuiaqatigiinnut attuumassuteqarnerat saqqummiussininni erseqqissaaq 

Ilisimatusarfigisat inuiaqatigiit aallaavigalugit saqqummiunneqassapput:​

OQAATSIT

Illit nammineq aalajangissavat peqataajumaninnik nalunaaruteqarninni unammisitsinermiluunniit peqataanissamut toqqagaassaguit saqqummiussininni kalaallisut, danskisut tuluttulluunniit saqqummiussissanerlutit.   

  

Katuami takutitsinermi ingerlaannartumik nutserisoqassaaq inersuarmi tusarnaariat angerlarsimaffimminniillu isiginnaartut oqaatsini paasilluarnerusaminni malinnaasinnaaniassammata. Naliliisartut oqaatsitigut pingasutigut ataatsimut piginnaasaqartuussapput.  

 

APEQQUTISSAQARUIT 

Unammisitsineq pillugu apeqqutissaqaruit  info@paasisavut.gl-imut allaffigisigut.  

bottom of page