top of page

UNAMMEQATAANERA QANOQ PISSARSIAQAATIGISSAVARA? 

1

MISILITTAGAQARNERULERNEQ

Ph.d.-t unammeqataasussatut toqqarneqartut tallimat ilagippatsit immikkut ilinniartinneqassaatit ilisimatusarfigisannik malunnartitsilluarnissannut qulakkeerutaasussamik. Saqqummiussinissannut, saqqummiussassavit sanaanut, oqaatsinut atortunullu atukkannut tunngatillugu siunnersorneqassaatit tusarnaartunnullu attaveqarluarnissannik ilinniarsimasumit ilitsersuunneqassallutit. Taamaalillutit novembarip 13-ianni isiginnaarianut sassaruit illit ilisimatusarfigisavit pingaaruteqassusiannik tamanut pitsaanerpaamik paasiuminarsaalluarsinnaanissannut piareersimalluarnerussaatit.     

2

NITTARSAASSINEQ

Toqqaannartumik aallakaatitsinermut tunngatillugu illit ilisimatusarninnilu sammisatit avammut nittarsaanneqarluassaasi. Tamatuma saniatigut saqqummiussinerit naliliisartunit tamarmik ilisimasaminnik immikkut saqqummiussillaqqissunit isummerfigineqassalluni.  

3

AKISSARSIASSAQ

Kiisalu soorunami aamma eqqugassaqarumaarluni.

PEQATAANIARLUNI NALUNAARNEQ 

2024-mi juunip 1-ni Ilisimatusarfigisanik saqqummiussillaqqinneqqusaanneq Paasisavut peqataaffigiumagukku uunga info@paasisavut.gl-imut nassiutissavatit:

  • Ilisimatusarfigisat naatsumik allaaseriuk (annerpaamik quppernerit A4-t marluk)   

  • Videokkut imminut ilisaritilaarnerit sivisunerpaamik minutsini marlunni ilisimatusarfigisannik saqqummiussisutit

  • CV qanoq attavigineqarsinnaaninnik paasissutissat ilanngullugit  

  • Ilinnik asseq initussuseqarluartoq (nittartakkami pilerisaarinermilu atugassaq)  

  • Ph.d.-nngorniatut isumaqatigiissut (massakkut Ph.d.-mut ilisimatusaruit)   

  • Ph.d.-nngorniutit (ukiut marluk kingulliit ingerlaneranni tunniussisimaguit)  

  • Ph.d.-nngorniarfinni pisortap aqqa qanorlu attavigineqarsinnaaneranik paasissutissat 

Allatsittoqarsinnaanngorpat nalunaarfigitigit:

Qujanaq nassiussannut. Attavigineqarumaarputit. 

OQAATSIT

Illit nammineq aalajangissavat peqataajumaninnik nalunaaruteqarninni unammisitsinermiluunniit peqataanissamut toqqagaassaguit saqqummiussininni kalaallisut, danskisut tuluttulluunniit saqqummiussissanerlutit.   

​

Katuami takutitsinermi ingerlaannartumik nutserisoqassaaq Katuap inersuaani tusarnaariat angerlarsimaffimminniillu isiginnaartut oqaatsini paasilluarnerusaminni malinnaasinnaaniassammata.

 

Naliliisartut oqaatsitigut pingasutigut ataatsimut piginnaasaqartuussapput.  

​

NALILIINEQ 

Unammisitsinermut peqataajumalluni nalunaarutigineqartut attaveqatigiissitsisartut ilisimatusartullu pitsaanerpaartaat tallimat takutitsinissarsuarmut peqataasussatut toqqaassallutik.   

​

Unammisitsineq Kulturip illorsuaani Katuami novembarip 13-anni 2024 pissaaq, KNR TV-kkullu toqqaannartumik aallakaatinneqassalluni.  
  
Allaaserisat videolu unammisitsinermut peqataasussatut toqqagaanissamut tunngaviussapput. Naliliisussat finalimut annguttussanik tallimanik toqqaassapput uku tunngavigalugit: 

Ilisimatusarfigisaq saqqummiulluarneqassaaq: 

Ilisimatusarfigisat inuiaqatigiit aallaavigalugit saqqummiunneqassapput:​

  •  Allaaserisaq inerniliissummik oqaluttuamillu tunngaveqassaaq  
     

  •  Ilisimatusarnerup paasinnikkiartuaarnerullu ingerlarngani pisunik allaaserisamut ilanngussisoqarsinnaavoq 
     

  •  Saqqummiussininni inuit sapinngisamik amerlanerpaat saaffigissavatit 
     

  •  Siunertarineqartut erseqqissarneqartariaqarput

  •  Ilisimatusarfigisanni paasisat nutaat assigiinngitsutigut (inuiaqatigiinni, aningaasatigut, kulturikkut il.il.) ineriartornissamut tunngavissiisut saqqummiunneqassapput  
     

  •  Paasisimasaqarluartuuneq ilisimatusarfigisanit ersertariaqarpoq 
     

  •  Ilisimatusarfigisat inuiaqatigiinni oqallisaasunut ilaasinnaapput  
     

  • Ilisimatusarfigisavit inuiaqatigiinnut attuumassuteqarnerat saqqummiussininni erseqqissaaq 

PAASISAVUT-MI PEQATAANISSAMIK QINNUTEQARTINNAK ILISIMASASSATIT

Paasisavut-mi peqataanissaminnik eqqarsaateqartut innersuukkusuppavut Paasisavut-mi peqataasutut suut naatsorsuutigineqarsinnaanerat pillugu paasissutissiinitsinni tusarnaariaqqullugit.

Naatsorsuutigisassat ilaat paasissutissiinitsinni sukumiinerusumik eqqartorumaarpavut. 

​

Paasisavut-mi saqqummiussillaqinneqqusaateqataasussat ilaattut toqqagaassaguit qaammatit marluk missaani saqqummiussinermi pikkorissartitsisoqarumaarpoq.

Attaveqatigiissitsisartumik marloriarlutit naapisimaagaqassaatit saqqummiussassannik piareersaaqatigisassannik. 

Naapisimaarnissasi taakku sioqqullugit saqqummiussassat piareersagassarsi nammineq allareersimassavat.

 

Saqqummiussillaqqinneqqusaannissaq sapaatip-akunneranik sioqqullugu peqataasussat tamarmik Nuummi naapisimaassaput.
 

Peqataasussat nunatta avataani najugallit Københavnemiit Nuummut utimullu angalanermut aningaasartuutissaat Nuummiinnerminnilu inisimmavissaat isumagineqarumaarput.

Saqqummiussillaqqinneqqusaannissaq sapaatip-akunneranik sioqqullugu ilitsersuisoq ilinniarsimasoq inuppassuit takkuanni saqqummiussinermi ilinniartitsissaaq.  

​

Taakkua saniatigut peqataasussat qinnuigineqassapput Paasisavut-mi saqqummiussinermi ajugaaniuttoqarneranilu takutitassamik videolioqqullugit aamma/imaluunniit videoliariteqataaqqullugit.

Peqataassagaanni naatsorsuutigisariaqarpoq tusagassiorfinnit soqutiginnittoqarnissaa Paasisavut-milu peqataanermut atatillugu apersuiumasoqartarnissaa.

APEQQUTISSAQARUIT 

Unammisitsineq pillugu apeqqutissaqaruit  info@paasisavut.gl-imut allaffigisigut.  

bottom of page